Kim Jong-il

Dr Kim Jong-il (rev. Rom. Gim Jeong-il, McCune-Reischauer Kim Chŏngil, koreanisch 김정일; * 16. Februar 1941 z Wjatskoje; offiziell 16. Februar 1942 , uf em Paektusan, Brovinz Chōsen, Japan; † 17. Dezämber 2011 z Nordkorea), isch Generaalsekretäär vo dr Bartei vo dr Arbet vo Korea (PdAK), Vorsitzende vo dr Nazionaale Verdäidigungskommissioon vo dr Demokratische Volksrepublik Korea und Oberste Befäälshaaber vo dr Koreanische Volksarmee (KVA), gsi und sit em Dood vo sim Vater Kim Il-sung im Joor 1994 dr obersti Machthaaber vo dr Demokratische Volksrepublik Korea (Nordkorea).

In Nordkorea isch dr Kim Jong-il Middelpunkt vom ene Füererkult gsi, usserhalb vom Land het si Herrschaft as e diktatorischs Reschiim gulte, wo Menscherächt verletzt het und d Vereeländigung vo dr Bevölkerig z verantworte het. Gliichzitig het er us Nordkorea en atomari Macht gmacht und het brobiert, das zu sine Gunste usznütze. Er het si jüngst Soon Kim Jong-un zu sim Noochfolger bestimmt.